დღევანდელობის უმთავრესი შეკითხვა: რა სურს კაცობრიობას?

სულ ცოტა ხნის წინ წავიკითხე ერთი პუბლიკაცია სადაც ერთგვარი (თუ თავისებური) ხედვით იყო დასაბუთებული, თუ როგორ შეიძლება იყოს ასტრონომია და, საერთოდ, მეცნიერება ევოლუციის წინააღმდეგ და უცებ გამიჩნდა მრავალი შეკითხვა, აი ადრესატის დასახელება კი გამიჭირდებოდა – თუ ვინ შეიძლება მას უპასუხოს. საერთოდ კი ამ სტატიაში საკმაოდ მრავლად შემხვდა უზუსტობები და ტერმინოლოგიური შეცდომებიც კი, მიუხედავად ამისა, მაინც, ბევრი რამის თქმა შეიძლებოდა აღნიშნული პუბლიკაციისა და მასში გამოთქმული მოსაზრებების შეფასებისას, მაგრამ…
მაგრამ, მე სულ სხვა რამეზე გავამახვილებდი, ამჟამად, ყურადღებას და, შესაძლოა, ჩემი მოსაზრება პირდაპირ არც კი უკავშირდებოდეს აღნიშნულ პუბლიკაციას, მაინც შევეცდები მოვახდინო ყურადღების გამახვილება საკმაოდ მნიშვნელოვან პრობლემაზე, მით უფრო რომ, არც თუ ისე იშვიათად მრჩება შთაბეჭდილება, თითქოს, მავანნი, გამიზნულად ახდენენ მეცნიერებისა და რელიგიის დაპირისპირებას. დღევანდელი გადასახედიდან მსგავსი სახის დაპირისპირება უნებლიედ თუ გამიზნულად ახდენს საზოგადოების გახლეჩას და ვის ინტერესში შეიძლება იყოს ყოველივე ეს, მხოლოდ გარკვეული დროის გასვლის შემდეგ, შესაძლოა, გამოჩნდეს. მანამდე? მანამდე კი ბევრი რამ შეიძლება გაფუჭდეს კიდეც. უცებ წარმოვიდგინე თუ რა შეიძლება დატრიალდეს, თუნდაც ერთი წამით, სამყაროში, ვთქვათ, ბალანსი რომ დაირღვეს, გაქრეს მიზიდულობის ძალა, ან კიდევ, ერთი წამით კაცობრიობამ, აბსოლიტურად ყველამ დაივიწყოს ის, რომ ბოროტება არ უნდა ჰქმნას… მართლაც განსაკუთრებულად მდიდარი ფანტაზია უნდა ჰქონდეს რომ შეაფასოს ეს ერთი წამი. არ მინდა ასეთი წამი და წამის მემილიარდედი ნაწილიც კი, არ მინდა ამ საშინელებაზე საერთოდ ვიფიქრო…
პუბლიკაცია სრულად